Leikkonan Rachel Bilson, sem gerði garðinn frægan í unglingadramanu The O.C og rómantísku gamanþáttunum Hart of Dixie, hefur undanfarið talað opinskátt um kynlíf í hlaðvarpi sínu Broad Ideas. Nýlega vakti 41 árs leikkonan athygli fyrir að opinbera að hún hafi verið 38 ára gömul þegar hún fékk sína fyrstu fullnægingu í samförum.

Glöggir netverjar voru fljótir að leggja saman tvo og tvo og finna út að þarna væri Rachel væntanlega að vísa til þess að það hafi verið grínistinn Bill Hader sem gaf henni þessa fyrstu fullnægingu, en þau voru saman á árunum 2019-2020. Hún hafði líka í viðtali á síðasta ári svarað hispurslaust þegar hún var spurð hvers úr fari Bill hún saknaði mest eftir sambandsslitin.

„Stóra typpið hans“

Nú hefur Rachel bætt um betur og opnað sig um hvernig hún kýs að haga sínum samförum. Kemur á daginn að hún er ekki kröfuhörð í þeim efnum.

„Ég fíla trúboðann,“ sagði Rachel í hlaðvarpinu Women On Top. „Ég hef komist að því að ef þú vilt fá fullnægingu í samförum þarftu að vera ofan á, en trúboðinn er mitt uppáhald. Ég vil láta taka vel á mér (e. manhandled).“

Hún greindi svo frá því hvaða stelling er í minnsta uppáhaldi hjá henni.

„Hundastellingin, eða það fer þó eftir typpinu sem um ræðir. Því þetta getur endað of djúpt og þá er það vont.“

Rachel fór líka yfir nýlegar yfirlýsingar hennar um fullnægingar, eða skort hennar á þeim. Hún tók fram að hún hafi í raun talað af sér, því hún hafi bara viljað vera með í samtalinu sem var að eiga sér stað í þættinum. Í rauninni hafi þetta ekkert með bólfélaga hennar að gera heldur hafi hún hreinlega ekki þekkt líkama sinn nægilega vel fyrr en við 38 ára aldur.