Jenný Andersen Rodriguez sem búsett er í Flórída í Bandaríkjunum keppir nú um að verða forsíðustúlka tímaritsins HERS

„Dýralæknir og þjálfari sem hóf líkamsræktarferð sína til að komast aftur á fætur (bókstaflega). Lifi líkamsræktarlífinu fyrir lífstíð,“ segir Jenný í lýsingu á sjálfri sér. Meðfylgjandi er svo mynd af henni tekin í bikíni fyrir sviðið og mynd sem tekin var þegar hún lá 19 ára gömul á Borgarspítalanum eftir að hafa slasast lífshættulega í bílslysi. 

Jenný var í viðtali við DV miðjan mars og sagði frá ótrúlegum bata sínum, en hún glímir þó enn við afleiðingar slyssins, sem var 14. mars 1998 í Kjós. Jenný man ekkert eftir slysinu sjálfu og man næst eftir sér viku síðar þegar hún vaknaði á Borgarspítalanum. Jenný hlaut fjölmörg beinbrot og aðra áverka og var í nokkra mánuði á spítala. 

Jenný segir slysið hafa breytt viðhorfi sínu til lífsins og hefur í dag náð að sameina tvær ástríður, draumastarfið sem hún ætlaði í fyrir slysið og köllunina sem hún fann eftir slysið, að hjálpa öðrum að ná betri heilsu.

Jenný glímir enn við afleiðingar hryllilegs bílslyss í Hvalfirði – Keppir í dag í vaxtarrækt og hjálpar einstaklingum og dýrum: „Sérfræðingarnir sáu um að halda lífi í henni með tækjum og tólum“

Keppni um forsíðu HERS 

Keppnin snýst um að fá titilinn Ms Health and Fitness (Ungfrú Heilsa og Fitness), 20 þúsund dollara verðlaunafé og að vera á forsíðu tímaritsins Muscle and Fitness HERS, sem um hálf milljón heilsuáhugafólks og atvinnuíþróttafólks les. 

Keppnin hófst í dag og keppa allir greitt atkvæði daglega með því að staðfesta aðgang sinn á Facebook eða með greiðslukorti (engin greiðsla tekin samt af korti). Sem stendur er Jenný í öðru sæti af 47 þátttakendum, en fyrsti útsláttur keppenda fer fram 11. maí klukkan 19 að hennar tíma (tvö um nótt að íslenskum tíma).

Kjósa má Jennýju hér.