Onlyfans-stjarnan Birta Blanco á von á sínu þriðja barni með kærasta sínum, Hrafnkeli. Hún deilir gleðitíðindunum í færslu á Instagram.
Fókus greindi frá því í janúar að Hrafnkell og Birta væru byrjuð saman, og ætti hann allt hjarta Birtu og væru þau að einbeita sér hvort að öðru. Birta hafði áður lifað fjölkærum lífsstíl.
Birta skrifaði á Instagram í gær:
„Reyndi eins og ég gat að taka mjög flottar instaworthy myndir af okkur til að tilkynna það að nýr meðlimur bakast nú hægt og rólega og er væntanlegt í Nóvember en maðurinn minn er asni“
Þetta sagði Birta á góðu nótunum þar sem á meðfylgjandi myndum mátti sjá að kærasti hennar var hreinlega ekki tilbúinn að stilla sér upp fyrir stífa og alvarlega myndatöku.
View this post on Instagram
Birta og Hrafnkell kynntust fyrst fyrir rúmlega áratug en það var ekki ást við fyrstu sýn. „Það fyndna er að við þoldum ekki hvort annað,“ segir Birta kímin í samtali við Fókus í janúar. „Svo mögulega sá ég að hann líkaði mig á Smitten og ég ákvað að athuga hvert hlutirnir myndu fara, og þeir fóru á besta veg og ég er stolt að eiga hann að.“
Fókus óskar þeim innilega til hamingju með væntanlega viðbót.
