Raheem Sterling hefur opnað sig um virkilega erfiða tíma hjá Chelsea á tímabilinu en hann er vanur því að vera í sigurliði sem og aðrir leikmenn liðsins.

Chelsea mun ekki ná Evrópusæti á þessu tímabili en liðið situr í 11. sæti deildarinnar og hefur spilað afskaplega illa í vetur.

Sterling viðurkennir að andrúmsloftið sé oft þungt í búningsklefanum en hann er ákveðinn í að snúa gengi liðsins við sem og hans liðsfélagar.

,,Þú getur ekki alltaf átt góða daga. Stundum þarftu að upplifa þá slæmu. Ég hef ekki verið í þessari stöðu áður á mínum ferli en ég er meira en reiðubúinn í áskorunina,“ sagði Sterling.

,,Við erum svo vonsviknir þegar við göngum af velli, við erum reiðir og sárir. Stundum klárum við leiki og sitjum saman í búningsklefanum og veltum því fyrir okkur hvað átti sér stað.w“

,,Það er erfitt aðs taka þessu, þú vilt alltaf leita að jákvæðum lausnum. Við ræðum saman og reynum að finna út hvað átti sér stað á síðustu tíu mínútunum eða svo.“

,,Þetta er alls ekki auðvelt. Allir þessir leikmenn eru vanir því að vinna leiki í hverri viku og við viljum fá það aftur. Það er ekki frábært að upplifa þessar tilfinningar.“