Christina var bandarísk fyrirsæta og OnlyFans-stjarna og var einnig þekkt sem tvífari Kim Kardashian.
Fjölskylda hennar er í sárum og hefur stofnað GoFundMe síðu fyrir jarðarför hennar, sem verður í næstu viku.
Fjölskyldan lýsir mikilli sálarangist og áfalli við sviplegt andlát Christinu.
„Það var snemma morguns þann 20. apríl sem fjölskylda okkar fékk hörmulegt símtal frá öskrandi og örvæntingafullum fjölskyldumeðlim: „Ashten er að deyja, Ashten er að deyja!“ Veröld okkar hrundi eftir símtalið og mun það ásækja okkur alla ævi,“ kemur fram í yfirlýsingu fjölskyldunnar. Það má lesa hana í heild sinni hér.
OnlyFans-stjarnan Mary Magdalene minnist Christinu á Instagram. Magdalene hefur gengist undir fjölda fegrunaraðgerða og lét næstum lífið eftir fegrunaraðgerð á kynfærum.
„Mér finnst svo sorglegt að hún dó í kjölfar fegrunaraðgerðar. Þetta er svo ógnvekjandi því þú veist bara aldrei hvort þú munir deyja eftir áhættusama aðgerð,“ sagði hún og bætti við að hún væri hrædd um að hljóta heilaskaða í hvert skipti sem hún fer í aðgerð.
