Real Madrid borgar væna summu í vasa Elon Musk eiganda Twitter til þess að allir leikmenn félagsins haldi bláa merkinu við aðgang sinn.
Musk keypti Twitter á dögunum og ákvað að breyta fyrirkomulaginu um staðfestan aðgang hjá fólki.
Frægt fólk hefur í gegnum árin haft blátt merki við aðgang sinn sem staðfestir að um þennan einstakling sé að ræða.
Musk ákvað hins vegar að byrja að rukka fyrir þetta til að reyna að auka tekjur Twitter en hann hefur einnig sagt upp mikið af starfsfólki.
Real Madrid ákvað að greiða þessa fjármuni fyrir alla sína leikmenn og borga því um 1200 dollara á mánuði fyrir þetta.
Að auki borgar Real Madrid þúsund dollara til viðbótar til að hafa gull reikning á sínum aðgangi sem veitir félaginu betri aðgang að þessum vinsæla samfélagsmiðli.
Musk fær því um 300 þúsund krónur frá Real Madrid í hverjum mánuði eða 3,6 milljónir á ári.
