Þjálfarinn og áhrifavaldurinn Sandra Björg Helgadóttir hitti leikarann og skemmtikraftinn Terry Crews um helgina. Hún segir að hann hafi verið mjög almennilegur og hafi sagst vera mjög spenntur fyrir að heimsækja Ísland aftur.
Crews hefur slegið í gegn sem kynnir America’s Got Talent. Hann gerði einnig garðinn frægan í vinsælu sjónvarpsþáttunum Brooklyn Nine-Nine.
View this post on Instagram
„Hann var æði,“ segir Sandra í samtali við DV.
„Ég hitti hann á viðburði Thor Skyr sem vinur minn Unnar bauð mér á. Þeir stofnuðu þetta saman (e. co-founder) þannig hann er að kynna vöruna með þeim og þessháttar.“
Sandra segir að leikarinn hafi verið mjög kurteis og hafi lýst hrifningu sinni á Íslandi.
„Hann var frábær að spjalla við, ótrúlega almennilegur og viðkunnanlegur. Hann hrósaði Íslandi hástöfum og getur ekki beðið eftir að koma aftur til Íslands,“ segir hún.
