Haraldur Ingi Þorleifsson, stofnandi Ueno, greindi frá því á Twitter-síðu sinni í að kaffihúsið Anna Jóna, sem er nefnt í höfuðið á móður hans, væri nú formlega opið. Frumkvöðullinn hefur áður opnað sig um þá sáru reynslu að vera á barnsaldri þegar að móðir hans féll frá og því hafi hann viljað heiðra minningu hennar með þessum hætti. Ekki er aðeins um kaffihús að ræða heldur bar og kvikmyndahús þar sem valið efni verður sýnt við hin ýmsu tækifæri.
Haraldur Ingi tilkynnti um opnunina með afar fallegum texta um móður sína sem hefur vakið talsverða athygli á samfélagsmiðlinum og lætur augljóslega engan ósnortinn. Þar ræðir hann stuttlega um móður sína og þau áhrif sem hún hafði á líf hans og hvernig minningin um hana endurspeglar rekstur kaffihússins.
Hér má lesa íslenska þýðingu af tilkynningu Haraldar Inga:
Ég bjó til þennan stað í minningu móður minnar, Önnu Jónu Jónsdóttir. Hún var listamaður og búningahönnuður.
Og eins og margar aðrar mæður þá var hún besta mamma í heimi.
Hún var hlý, góð og gefandi. Hún gat búið til allskonar úr engu.
Hún kenndi mér að sjá fegurðina í öllu. Til að leita eftir gleðinni, jafnvel á erfiðum stundum.
Ég ólst upp ásamt henni handan þessarar götu. Þetta var ein af uppáhalds byggingunum hennar.
Ég missti hana þegar ég var 11 ára gamall. Það eru meira en 35 ár síðan en samt hugsa ég um hana á hverjum degi.
Von mín er sú að þessi staður muni verða til þess að þú upplifir öryggi og umönnun. Að maturinn og drykkirnir okkar bragðist eins og að þeir hafi verið útbúnir sérstaklega fyrir þig, af einhverjum sem er annt um þig.
Að þú búir hérna til nýjar minningar með vinum þínum, fjölskyldu eða bara einn með þér sjálfum. Og kannski, eftir nokkur ár, muntu líta til baka og rifja upp þá minningu sem þú hefur af þessum stað.
Takk fyrir að gefa okkur tíma þinn. Við vitum að hann er dýrmætur.
I wrote this inscription in the menu for @AnnaJona
We’re officially open now.
I hope you’ll come visit someday. pic.twitter.com/N7kdCNPFgV
— Halli (@iamharaldur) April 23, 2023
