Fyrrum knattspyrnukonan Madelene Wright hefur þénað fleiri hundruð milljónir íslenskra króna frá því hún byrjaði á OnlyFans.

OnlyFans er miðill sem gerir notendum kleift að selja efni sitt til áskrifenda gegn mánaðarlegu gjaldi. Klámstjörnur eru vinsælar á miðlinum en einnig áhrifavaldar sem selja djarfar myndir af sér. Aðdáendur geta einnig sent notendum skilaboð og lagt fram beiðni um myndefni gegn gjaldi. Það er hægt að græða á tá og fingri.

Wright stofnaði OnlyFans eftir að hafa verið rekin frá félagi sínu, Charlton Athletic.

Þessi 22 ára knattspyrnukona hafði deilt myndböndum af sér að taka inn hláturgas, sem er ekki vel liðið innan fótboltans. Annað myndband fór í umferð af henni að drekka áfengi á meðan hún brunaði áfram á bifreið sinni. Þriðja myndbandið sýndi svo Madelene stunda kynlíf á meðan hún talaði í símann. Charlton rak stúlkuna frá félaginu vegna þessara myndbanda.

Wright er dugleg að deila djörfum myndum af sér til að fá inn áskrifendur og nýjasta mynd hennar vekur athygli. Þar er hún á ströndinni og biritr mynd af afturenda sínum.

Wright sagðist á dögunum sjá eftir gjörðum sínum. „Ég var ung og að fíflast með vinum mínum. Ég skildi ekki stöðuna sem ég var í og þá ábyrgð sem ég bar.“

„Ég elskaði Charlton, þjálfaranna, liðsfélaga. Þetta braut mig alveg niður.“

Endirinn á knattspyrnuferlinum, í bili, opnaði hins vegar á OnlyFans-ferilinn. „Þetta opnaði aðrar dyr. Þetta gerðist hratt. “