Árið 1999 keypti viðskiptamaðurinn George Reynolds félagið Darlington í ensku D-deildinni. Hann var með stóra drauma en allt fór úrskeiðis.

The Upshot reifaði feril hins skrautlega Reynolds hjá Darlington.

Hinn moldríki Reynolds, sem hafði setið í fangelsi áður, mætti til Darlington og vildi hrúga peningum í félagið. Hann vildi koma félaginu í ensku úrvalsdeildina og byggði 20 milljóna punda völl sem tekur 25 þúsund manns í sæti. Það var athyglisvert en að meðaltali mættu um 2 þúsund manns á leiki Darlington. Völlinn nefndi Reynolds eftir sjálfum sér, Reynolds-Arena.

Reynolds reyndi að fá menn eins og Paul Gascoigne og Faustino Asprilla. Sá síðarnefndi var næstum mættur en sá að ekki var allt með felldu.

25 þúsund manna völlurinn var mjög langt frá því að vera þétt setinn á leikjum Darlington og varð Reynolds harðlega gagnrýndur í fjölmiðlum. Hann lenti í stríði við Peter Barron, ristjóra Northern Echo.

„Ef þú ætlar að skrifa fyrirsagnir um mig, skrifa ég fyrirsagnir um þig,“ sagði Reynolds. Hann setti skillti fyrir utan heimavöll Darlington þar sem stóð: REKIÐ BARRON. BARRON ER LYGARI. BARRON ER HOMMI.“

Þá mætti Reynolds eitt sinn heim til Barron og öskraði inn um bréfalúguna. Það sem hann vissi ekki var að Barron og fjölskylda voru annars staðar í fríi.

Árið 2004 fann lögregla 500 þúsund pund í skotti Reynolds, sem var stungið í fangelsi á ný fyrir skattsvik.

Fleiri magnaðar sögur af Reynolds eru hér að neðan.

Forget Qatari princes and Hollywood stars.

In 1999, an eccentric local businessman rocked up at one of England's oldest clubs with a wheelbarrow full of cash, promising top flight football.

But the new owner wasn't who he seemed, and things were about to go very, very wrong… pic.twitter.com/MnpX725Alh

— The Upshot (@UpshotTowers) April 5, 2023