Gary Neville sérfræðingur Sky Sports hjólar fast í fyrrum félaga sinn hjá stöðinni, Jeff Stelling. Fyrrum sjónvarpsmaðurinn gagnrýndi mætinguna á leik Salford City þar sem Neville er á meðal eiganda.
Salford er að berjast um að komast upp úr fjórðu efstu deild Englands en Neville og eigendur félagsins hafa dælt fjármunum í félagið.
Neville segist stoltur af því að rúmlega 2 þúsund hafi mætt á mikilvægan leik liðsins í gær.
„Við erum nokkuð stoltir af því að hafa 2139 áhorfendur þegar meðaltalið var 120 og 40 ársmiðar fyrir 8 árum síðan,“ skrifar Neville.
„Vona að hausinn sé ekki mjög ruglaður þegar þú vaknar,“ skrifaði Neville og setti með tjákn af bjór og rauðvíni.
We’re quite proud to have got to a crowd of 2,139 from an average of 120 and 40 season ticket holders 7/8 years ago in the Evo-Stik North! Hope the head isn’t too woolly when you get up 🍺🍷😂 https://t.co/bdJli927DA
— Gary Neville (@GNev2) April 19, 2023
