Svæðið við Dettifoss vestan ár er lokað vegna asahláku og mikilla vatnavaxta.
Vatnajökulsþjóðgarður birti tilkynningu um þetta á vefsíðu sinni í dag og vakti Lögreglan á Norðurlandi eystra athygli á henni á Facebook.
„Hætta er á því að fólk lendi í lífshættu og hætta er á gróðurskemmdum. Við vonumst til að geta opnað svæðið næstkomandi fimmtudagskvöld eða á föstudaginn. Frekari upplýsingar síðar,“ segir í frétt Vatnajökulsþjóðgarðs.
