Ítalska stórveldið, AC Milan hefur áhuga á því að fá Mason Greenwood sóknarmann Manchester United í sínar raðir í sumar. Frá þessu er greint í enskum blöðum.
Greenwood hefur ekki spilað fótbolta í rúmt ár eftir að hafa verið handtekinn. grunaður um nauðgun og ofbeldi í nánu sambandi.
Lögregla felldi málið niður á dögunum þegar lykilvitni breyttu framburði sínum og ný gögn komu á borð lögreglunnar.
United hefur ekki tekið ákvörðun um framtíð hins 21 árs gamla sóknarmanns. United vill hleypa Greenwood á æfingar en hann hefur verið í banni hjá félaginu frá því í janúar árið 2022 þegar hann var handtekinn.
United rannsakar málið sjálft og skoðar hvort þessi 21 árs gamli leikmaður eigi afturkvæmt hjá félaginu.
Fari svo að United vilji losna við hann virðist nokkur fjöldi félaga vilja taka hann en lið frá Tyrklandi hafa einnig sýnt mikinn áhuga.
