Bayern Munchen hefur sett Sadio Mane í eins leiks bann og sektað hann eftir uppákomu á dögunum.
Senegalanum lenti saman við liðsfélaga sinn Leroy Sane í slæmu 3-0 tapi gegn Manchester City í fyrri leik liðanna í 8-liða úrslitum Meistaradeildar Evrópu.
Þeir rifust í leiknum sjálfum og hélt það áfram inni í klefa eftir leik. Mane sló að lokum til Sane áður en liðsfélagar skárust í leikinn.
Yfirmenn hjá Bayern Munchen hafa farið yfir hvaða afleiðingar eigi að verða fyrir Mane og ljóst er að þær verða eins leiks bann og sekt.
