Tamila Tasheva, sendifulltrúi Úkraínuforseta á Krím, sagði nýlega í samtali við Politico að Úkraínumenn hafi ekki fallið frá fyrri áætlunum sínum hvað varðar Krímskagann sem Rússar hernámu 2014.

„Úkraína mun velja leiðina til að ná Krím aftur með því að nota pólitískar og hernaðarlegar aðferðir,“ sagði hún.

„Til að draga úr tjóni úkraínska hersins, draga úr ógnum við óbreytta borgara sem búa á hernumdu svæðunum, auk eyðileggingar á innviðum, hefur Úkraína í hyggju að gefa Rússum val um hvort þeir yfirgefa Krím. Ef þeir vilja ekki fara sjálfviljugir, mun Úkraína halda áfram að frelsa land sitt með hervaldi,“ sagði hún einnig.