Besta deild karla fer af stað þann 10. apríl en þetta er í annað sinn sem deildin er með þessu fyrirkomulagi. Spilaðir verða 22 leikir og að þeim umferðum loknum er deildinni skipt upp í tvo hluta, eru þá spilaðir fimm leikir. 433.is mun á næstu dögum spá í spilin.
4. KR
Lykilmaður: Kristján Flóki Finnbogason
Þjálfari: Rúnar Kristinsson
Heimavöllur: KR-völlur
Íslandsmeistarar: 27 sinnum
Það er ágætlega jákvætt andrúmsloft yfir KR komandi inn í tímabilið en nokkur kynslóðaskipti hafa átt sér stað hjá KR í vetur.
Mikill meðbyr virðist vera með nýjum aðstoðarþjálfara liðsins, Ole Martin Nesselquist. Norski aðstoðarmaður Rúnars Kristinssonar hefur fengið mikla ábyrgð í vetur og fengið lof fyrir starf sitt.
Jóhannes Kristinn Bjarnason er mættur heim úr atvinnumennsku en hann hefur mikla hæfileika. KR-ingar þurfa á því að halda að Kristján Flóki Finnbogason haldi heilsu og verði á meðal bestu leikmanna tímabilsins. Heilsan hefur ekki staðið með honum síðustu ár og KR-ingar hafa fundið fyrir því.
KR er með vel mannaðan hóp en breiddin er ekki mikil og þurfa því lykilmenn að haldast heilir heilsu svo KR berjist um Evrópusæti.
Spáin:
5 sæti – FH
6 sæti – Stjarnan
7 sæti – KA
8 sæti – ÍBV
9 sæti – Keflavík
10 sæti – HK
11 sæti – Fram
12 sæti – Fylkir
Komnir
Simen Lillevik Kjellevold
Jakob Franz Pálsson (lán)
Jóhannes Kristinn Bjarnason
Luke Rae
Olav Öby
Farnir
Emil Ásmundsson
Hallur Hansson
Kjartan Henry Finnbogason
Arnór Sveinn Aðalsteinsson
Beitir Ólafsson
Pálmi Rafn Pálmason
Þorsteinn Már Ragnarsson
