Hjörvar Hafliðason, sjálfur Dr. Football segir að eldri leikmenn í íslenska landsliðinu hætti að gefa kost á sér ef Rúnar Kristinsson tekur við landsliðinu.

Rúnar sem hefur unnið magnað starf með KR um langt skeið er einn þeirra sem er nefndur til sögunnar sem arftaki Arnars Þórs Viðarssonar.

„Rúnar á barn í þessu liði, nennir þú þessari sveitamennsku? Hvað heillar þig? Er Það KR Fótboltinn,“ sagði Hjörvar Hafliðason í nýjasta þætti Dr. Football en Rúnar Alex Rúnarsson, sonur hans ver mark liðsins.

Arnar Þór var rekinn fyrir helgi eftir rúm tvö ár í starfi en nafn Rúnars er það eina sem heyrist af Íslendingum sem gætu komið til greina.

Jóhann Már Helgason sérfræðingur þáttarins var harður á því að Rúnar ætti að taka við. „Hann myndi nota skapalónið sem virkar, hann myndi nota það. Hann myndi spila þann fótbolta sem Lars og Heimir gera, hann veit að það virkar. Vörnin hjá KR, sóknarleikur er vandamálið. Það var talað um fyrir nokkrum árum síðan að hann myndi taka.“

Hjörvar tók þá til máls og sagði að eldri leikmenn myndu líklega hætt að spila fyrir landsliðið ef Rúnar tæki við. Ástæðan kom þó ekki fram.

„Hann á ekkert inni hjá strákunum em eru í hópnum, ekki neitt. Þessum eldri, við erum of miklir sveitamenn til að ráða íslenskan þjálfara. Freyr Alexandersson getur komið inn því hann getur ekki valið Hansa Bjarna inn,“ sagði Hjörvar.

„Mér fannst heiðarlegt af Vöndu að hún sagði í viðtalinu að hún væri clueless um hver yrði næsti þjálfari.“

„Við getum kysst marga af okkar bestu leikmönnum bless, ef Rúnar tekur við. Eldri leikmenn muni ekki gefa kost á sér,“ sagði Dr. Football.