Hafdís Björg Kristjánsdóttir, fitnesdrottning og eigandi líkamsmeðferðarstofunnar Virago, og Kristján Einar Sigurbjörnsson, eða Kleini eins og hann er jafnan kallaður, eru að deita. Mbl.is greindi fyrst frá. Ellefu ár skilja parið að, Hafdís Björg er fædd 1987 og Kristján Einar 1998.
Hafdís Björg hefur keppt til fjölda ára í fitness og unnið fjölmarga titla, þar á meðal er hún margfaldur Íslandsmeistari í fitness. Hafdís Björg er fimm stráka móðir og var í forsíðuviðtali DV fyrir tæpum fjórum árum og mætti yngsti sonurinn með móður sinni í viðtalið.
Kleini er Húsvíkingur og var sjómaður. Í fyrra komst hann í kast við lögin á Spáni vegna slagsmála og sat í spænsku fangelsi í átta mánuði. Þegar hann kom heim aftur ákvað hann að taka lífið og sjálfan sig í gegn og fór í meðferð í Krýsuvík. Í byrjun mars sagði hann meðferðina ganga vel og hann muni koma til baka sem sterkari einstaklingur. „Meðferðin gengur mjög vel, ég er að læra margt um mig og sjúkdóminn, vinna í áföllum fortíðar og álíka svo ég geti komið sem sterkari og enn bjartari einstaklingur aftur í samfélagið.“
Meðferðin gengur vel hjá Kleina – „Ég er að læra margt um mig og sjúkdóminn“
Bæði eru með nokkurn fjölda fylgjenda á Instagram og hafa þau verið dugleg síðustu daga að setja hjarta-emojis og ástarorð við færslur og myndir hvors annars.
