For­ráða­menn Liver­pool hafa enn ekki opnað á við­ræður við James Milner, einn reynslu­mesta leik­mann liðsins, um nýjan samning þrátt fyrir að knatt­spyrnu­stjórinn Jur­gen Klopp vilji ólmur halda honum. Frá þessu greinir The At­hletic í kvöld.

Nú­verandi samningur þessa 37 ára gamla miðju­manns rennur út eftir yfir­standandi tíma­bil en Milner er í miklum metum hjá Klopp sem og stuðnings­mönnum Liver­pool.

Þó svo að búast megi við því að miðja Liver­pool muni taka miklum breytingum milli keppnis­tímabila vill Klopp halda í Milner og horfir þá helst í reynslu leik­mannsins, leið­toga­hæfi­leika sem og hversu margar stöður hann getur leyst. Klopp vill nýta krafta Milner í eitt tíma­bil í við­bót.

Sjálfur ætlar Milner sér að halda at­vinnu­manna­ferlinum á­fram og vill hann helst gera það hjá Liver­pool og spila sitt níunda keppnis­tímabil fyrir fé­lagið. Hins vegar hafa engar við­ræður átt sér stað á þessu ári.

Milner á að baki 321 leik fyrir Liver­pool en hann gekk til liðs við fé­lagið á frjálsri sölu frá Manchester City árið 2015. Hann á að baki yfir 600 leiki í ensku úr­vals­deildinni og næsti leikur hans fyrir Liver­pool í deildinni mun sjá til þess að hann jafnar leikja­fjölda Frank Lampard sem er jafn­framt þriðji mesti leikja­fjöldi leik­manns í ensku úr­vals­deildinni.