Hr. Eydís er nýstofnuð hljómsveit skipuð fjórum reynsluboltum úr íslensku tónlistarlífi. Þeim Örlygi Smára, Páli Sveinssyni, Jóni Örvari Bjarnarsyni og Ríkharði Arnari.
Þema hljómsveitarinnar, eins og nafnið gefur til kynna eru 80’s lög. Á hverjum föstudegi kl. 12 birtist á YouTube-rás sveitarinnar nýtt 80’s lag sem meðlimir leika live og „með sínu nefi“.
„Hljómsveitin er í raun „saumaklúbbur“ sem vatt upp á sig“ segir Örlygur hlæjandi og bætir við: „Allt í einu eru um fimm þúsund búin að streyma upptökunum á YouTube og ekki annað hægt en að gera meiri alvöru úr þessu“.
Í framhaldinu stendur til að með sveitinni muni einvalalið gestasöngvara taka sitt „eydís-lag“ sem verður birt á YouTube-rásinni á hverjum föstudagi kl. 12.
Föstudagslagið að þessu sinni er „Mistify“ með áströlsku hljómsveitinni INXS. Lagið er af plötunni Kick sem kom út árið 1987. Forvitnileg staðreynd hins vegar er að Mistify varð vinsælt tæpum tveimur árum (1989) eftir útgáfu plötunnar og varð þannig fimmti „single“ plötunnar.
Örlygur Smári: gítar og söngur (lagahöfundur og upptökustjóri: Páll Óskar/Eurovision…. o.fl.)
Páll Sveinsson: trommur (Í svörtum fötum, Nýju fötin keisarans, Karma, Spur o.fl.)
Jón Örvar Bjarnason: Bassi og bakraddir (Spur, Land og synir, Karma o.fl.)
Ríkharður Arnar: hljómborð og bakraddir (Spur, Karma o.fl.)
Instagram: eydisband
Facebook: Hr. Eydís
