Það er svo þægilegt að næla sér í tilbúinn graut úr ísskápnum á morgnana og í hádeginu. Hér eru tvær dásamlegar og næringarríkar uppskriftir af grautum sem Hildur Rut Ingimarsdóttir gerði sem heldur úti matarbloggi á síðunni Trendnet.is.

„Það er svo sannarlega gott að byrja daginn á þessum grautum sem gefa manni orku út í daginn. Hafragrautur með grískri jógúrt og bönunum og chia grautur með kókosmjólk og hindberjum. Lykilatriðið er að toppa grautana með nóg af hnetusmjöri frá Whole Earth. Þetta hnetusmjör er í miklu uppáhaldi og það er bæði bragðgott og auðvelt í notkun, bara hrista og kreista yfir grautana. Það er gert úr 100% ristuðum hnetum og inniheldur engan viðbættan sykur,“ segir Hildur.

Nú er bara að prófa og þessir eru góðir alla daga vikunnar.

Hafragrautur með grísku jógúrt og bönunum

1 dl haframjöl

1 dl vatn

1/2 dl grísk jógúrt

1/2 msk. chia grautur

2 tsk. sykurlaust síróp eða hunang

1/3 smátt skorinn banani

Ristaðar möndluflögur og pekanhnetur

Whole Earth hnetusmjör

Blandið saman haframjöli, vatni, grískri jógúrt og sírópi í krukku eða öðru íláti. Geymið yfir nótt. Toppið með ristuðum möndluflögum og pekanhnetum, smátt skornum banana og nóg af hnetusmjöri.

Chia grautur með kókosmjólk og hindberjum

3 msk. chia fræ

2 dl sykurlaus kókosmjólk

1-2 tsk. sykurlaust síróp eða hunang

1/2 dl frosin hindber

Ristaðar kókosflögur

Whole Earth hnetusmjör

Blandið saman chia fræjum, kókosmjólk og sírópi í krukku eða öðru íláti. Geymið yfir nótt í ísskáp. Toppið með ristuðum kókosflögum, frosnum hindberjum og nóg af hnetusmjöri.