Atli Viðar Björns­son, fyrrum leik­maður FH, segir að það sé gríðar­legt á­fall fyrir félagið að fá mál Mor­ten Beck Gulds­med, sem segir FH skulda sér 14 milljónir króna í van­goldnum launum, upp á yfir­borðið nú þegar allt virtist vera að fara leika í lyndi hjá fé­laginu á nýjan leik.

Það vakti at­hygli á dögunum þegar að greint var fá því að Mor­ten Beck Gulds­med, fyrrum leik­maður FH, ætlaði sér að draga fé­lagið fyrir dóm­stóla þar sem að hann segir FH skulda sér 14 milljónir króna í laun.

Það var Hjör­var Haf­liða­son sem greindi frá mála­vendingunum í hlað­varps­þættinum Dr. Foot­ball

„Hann er farinn með FH-inga í dóm­salinn, hann vill meina að FH skuldi sér fyrir meira en tvö tíma­bil, 14 milljónir. FH viður­kenna skuldina en ekki allan þennan pening. Af gögnum málsins að dæma hefur hann rétt fyrir sér og lík­legt að FH-ingar þurfi að borga þetta í topp,“ segir Hjör­var í hlað­varpi sínu.“

Gríðar­legt á­fall

Málið var svo til um­ræðu í hlað­varps­þættinum Enn einn fót­bolta­þátturinn þar sem Atli Viðar Björns­son, fyrrum leik­maður FH, tjáði sig um málið.

„Það sem mér finnst vera mesta á­fallið við að þetta mál sé að koma núna upp á yfir­borðið er að stemningin í kringum FH undan­farið er búin að vera svo góð,“ byrjaði Atli Viðar á því að segja.

Það hafi góðir hlutir verið að gerast í kringum liðið.

„Og búið að snúa þessum vonda spíral, sem var í gangi í kringum fé­lagið, við.“

Atla Viðari fannst vera komin góður bragur í FH á nýjan leik, eitt­hvað sem hafði vantað þar á undan.

„Að því leytinu til finnst mér gríðar­legt á­fall að þetta mál sé komið upp á yfir­borðið og komið í um­ræðuna, sé að hafa þessi á­hrif.“

Hlusta má á nýjasta þátt hlað­varps­þáttarins Enn einn fót­bolta­þátturinn hér fyrir neðan: