Baldur Þórhallsson, prófessor í stjórnmálafræði, tilkynnti fyrir stundu á Facebook að hann myndi ekki bjóða sig fram til forseta þrátt fyrir gott gengi í skoðanakönnun sem Vísir greindi frá í morgun.

Þar kom fram að 51,4 prósent, eru jákvæð gagnvart því að Baldur verði næsti forseti Íslands „og setjist ásamt maka sínum, Felix Bergssyni á Bessastaði,“ eins og það var orðað í könnuninni.

Baldur segir útsýnið ágætt yfir Skerjafjörðinn séð frá Vesturbæ Reykjavíkur en þeim líði of vel í sínum störfum til þess að setja markið á Bessastaði. Orðrétt segir í tilkynningunni:

„Okkur datt ekki einu sinni í hug að samkynhneigt part ætti möguleika á því að setjast að á Bessastöðum. Það þótti stórsigur fyrir mannréttindabaráttuna þegar þáverandi forseti Vigdís Finnbogadóttir kom og fagnaði með okkur þegar lögin um staðfesta samvist tóku gildi sumarið 1996.

Nú eru nýjir og breyttir tímar. Þeim ber að fagna sem og kröftugum mannréttindayfirlýsingum þjóðarinnar sem birtast í skoðanakönnun eins og þessari. – Við endurtökum þakkir okkar fyrir hlý orð og hvatningu og hvetjum kraftmikla einstaklinga til að stíga fram og bjóða sig fram til embættisins.“

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_GB/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));