Ásdís Rán Gunn­ars­dótt­ir leikur eitt aðalhlutverka í næstu mynd ítalska leikstjórans Lor­enzo Faccenda. Ásdís Rán fékk hlutverkið í gegnum umboðsmann sinn í Sofiu í Búlgaría þar sem hún bjó til margra ára, en myndin verður tekin upp þar. Smartland greinir frá.

„Ég fékk drauma­hlut­verk. Ég leik hjá­konu auðugs manns og ræð mann til þess að drepa kon­una hans. Mynd­in er tek­in upp á ensku og fara tök­ur fram í Búlgaríu en mynd­in á að ger­ast í Evr­ópskri stór­borg. Tök­ur hefjast í byrj­un apríl en ég fer út í næstu viku,“ seg­ir Ásdís Rán.

Segist hún spennt fyr­ir hlutverkinu og ekki eiga erfitt með að setja sig inn í hlutverkið. „Það er auðvelt fyr­ir mig að setja mig í „fan­sy glamúr­hlut­verk“ því ég hef góða reynslu af því í gegn­um aug­lýs­ing­ar og mynda­tök­ur,“ segir Ásdís Rán sem er byrjuð að læra söguþráðinn og textann sinn. 

Viðtalið má lesa nánar á Smartland.is.