Totten­ham vill fá eina greiðslu sem nemur 100 milljónum punda frá því liði sem ætlar sér að kaupa fyrir­liða fé­lagsins, stjörnu­leik­manninn Harry Kane. Frá þessu greinir Daily Mail í dag.

Harry Kane hefur oft og mörgum sinnum verið orðaður við brott­för frá Totten­ham en alltaf hefur hann haldið tryggð við fé­lagið.

Manchester United hefur þar oftast verið nefnt sem mögu­legur á­fanga­staður Kane en for­ráða­menn Totten­ham vilja helst ekki selja fyrir­liða sinn til liða sem spila í sömu deild og Totten­ham.

Kane, sem er marka­hæsti leik­maðurinn í sögu Totten­ham með 271 mark, á rúmt ár eftir af samningi sínum við fé­lagið.

For­ráða­menn Totten­ham hafa ekki á­hyggjur af stöðu mála eins og er, þá eru ekki uppi á­hyggjur um það hvaða staða gæti komið upp ef Kane skrifar ekki undir nýjan samning við fé­lagið og heldur inn í síðasta ár sitt á nú­verandi samning.

Leik­menn sem eiga innan við 6 mánuði eftir af nú­verandi samningi sínum mega ræða við fé­lags­lið utan þess lands sem þeir spila í og á endanum fara á frjálsri sölu.