Nökkvi Fjalar Orrason, annar af stofnendum umboðsskrifstofunnar Swipe Media, hefur sagt skilið við umboðsskrifstofuna.
„Það er erfitt að yfirgefa Swipe. Ég hef lagt hjarta mitt og sál í vörumerkið síðastliðin fjögur ár og er stoltur af því sem við höfum byggt upp,“ skrifar Nökkvi Fjalar í færslu á Instagram.
Segist hann ekki hafa séð það fyrir sér fyrir nokkrum mánuðum að hann ætti eftir að yfirgefa fyrirtækið. Meðeigendur hans hafi hins vegar viljað fara með fyrirtækið í aðra átt og Nökkvi Fjalar hafi þurft að fylgja hjarta sínu. Hann sé mest þakklátur fyrir vináttuna milli þeirra.
„Ég mun halda áfram með sama markmið að bjóða besta grunninn fyrir áhrifavalda um allan heim. En nú með öðru teymi og öðru vörumerki. Ég get ekki beðið eftir að deila því með ykkur og það er aðeins byrjunin.
Munið að gera ykkar besta til að fylgja hjarta ykkar. Ég veit það er erfitt en þið munuð á endanum uppskera. Lífið er of stutt og verðmætt til að gera eitthvað annað.“
View this post on Instagram
