Arnar Gunnlaugsson, þjálfari Víkings, kom í settið í Íþróttavikuna með Benna Bó sem sýnd er á Hringbraut alla föstudaga. Hann sat þar með Herði Snævari Jónssyni, íþróttafréttastjóra Torgs.

Arnar spilaði með Feyenoord, Nurnberg, Sochaux, Bolton, Leicester, Stoke og Dundee í atvinnumennsku en hjá Leicester voru margir skrautlegir karakterar. Matt Elliott var fyrirliði, Robbie Savage, Neil Lennon, Stan Collymore og Tony Cottee. Svo nokkrir séu nefndir.

Benedikt Bóas, þáttarstjórnandi, spurði Arnar hversu skemmtilegt hafi verið að koma á æfingar. „Þetta var geggjað og hefur kenndi mér mikið hvernig á að setja saman hóp. Þarna var Frank Sinclair og Ian Marshall. Frábærir fótboltamenn en algjörir vitleysingar í jákvæðri merkingu. Hópurinn var mjög skemmtilegur og það væri hægt að skrifa heila bók um utanlandsferðir þessa hóps og geggjað lið. Það var alltaf topp tíu lið og vann enska deildarbikarinn tvisvar og stórkostlegur tími.“

Víkingar voru að koma heim úr æfingarferð til Tyrklands og spurði Benedikt hvort það hafi verið meiri vitleysa í ferðum Leicester en æfingarferðinni hjá Víkingum stóð ekki á svari. „Já. Örlítið meir. Það er óhætt að segja það.“