Paul Mitchell, 32 ára gamall þriggja barna faðir fannst látinn í íbúðarhúsnæði í Birmingham í vikunni. Greint er frá andláti Paul í breskum miðlum í dag.

Þessi stuðningsmaður Birmingham City komst í fréttirnar árið 2019 er hann réðist á knattspyrnumanninn Jack Grealish, sem var þá á mála hjá Aston Villa, í nágrannaslag liðsins gegn Birmingham City á St. Andews leikvanginum.

Paul hljóp inn á völlinn og hjólaði í Grealish og átti atvikið eftir að hljóta heimsathygli. Í kjölfarið var Paul handsamaður og dæmdur í 14 vikna fangelsi.

Hann sat inni í fjórar vikur og var þá sleppt í ljósi góðrar hegðunar.

Ekki er dánarorsök Paul gefin upp í fréttum breskra miðla í dag en í samtali við The Sun tjáir frænka hans, Lucy Mitchell, sig um andlát hans.

„Paul elskaði og dáði börnin sín þrjú og var alltaf með bros á vör sama hvað gekk á. Hann var með hlýtt hjartalag og verður sárlega saknað af mörgum. Hann var afar vinsæll maður, þetta verður ekki eins án hans.“

Paul hlaut aftur dóm í september á síðasta ári er hann hljóp inn á völlinn til þess að fagna marki í leik Birmingham City og West Bromwich Albion.

Hér fyrir neðan má sjá atvikið þegar að Paul hjólaði í Grealish í leik Aston Villa og Birmingham City árið 2019:

Rest easy Paul Mitchell, the Birmingham City fan who attacked Grealish back in 2019, sadly passed away at just 32 years old. #bcfc #kro #birminghamcity pic.twitter.com/A1Xd6Yyy6R

— Casual Chaps (@CasualChaps) March 16, 2023