Nú eru fermingarnar á næsta leiti og mörg eflaust farin að leggja höfuðið í bleyti um hvað skuli færa fermingarbarninu þegar mætt er til veislunnar. Það er klárt mál að það er alltaf langskemmtilegast að gefa endingargóðar gjafir sem nýtast fermingarbarninu vel til lengri tíma.
Ár eftir ár kemur Apple sterkt inn sem fermingargjöfin fyrir framtíðina. Apple framleiðir áreiðanlegar vörur úr hágæða efnum sem endast vel. Apple leitast við að nota málma og gler frekar en plast til að auka endingu og líftíma sinna vara. Einnig kappkostar Apple að lágmarka öll umhverfisáhrif við framleiðslu tækja sinna og í rekstri sínum.MacBook Air fartölvur eru framleiddar úr 100% endurunnu áli og 90% endurunnu stáli til að lágmarka umhverfisspor þeirra. Apple sér einnig til þess að tækin fái hugbúnaðaruppfærslur til lengri tíma sem eykur enn á líftíma þeirra.
Hrollkaldir og eitursvalir Iphone símar
iPhone 14 og iPhone 14 Plus eru eitursvöl negla fyrir fermingarbarnið, hvort sem það ver tíma sínum í tölvuleikjum í símanum eða nýtir hann mest til að taka ljósmyndir og vídjó. Símarnir fengu báðir nýtt innvols til að auka kælingu og auðvelda viðgerðir. Aukin kæling þýðir að símarnir endast lengur í tölvuleikjum og það er minni hitamyndun sem lengir lífið í rafhlöðunni.
iPhone 14 er með 6,1 tommu OLED-skjá og fer vel í hendi. iPhone 14 Plus er með risastóran 6,7 tommu OLED-skjá og endingargóða rafhlöðu sem endist heillengi. Símarnir fengu uppfærða myndavél og ná 2,5 sinnum betri ljósmyndum við léleg birtuskilyrði og Action-mode myndbandsupptöku minnkar hristing þegar tekið er upp á hreyfingu.
MacBook Air M1 og M2
Góðar fartölvur halda alltaf sínu striki sem ein veglegasta fermingargjöfin. Vinsælasta fartölva heims er einmitt MacBook Air og núna eru tvær útgáfur í boði: M1 og M2. MacBook Air eru léttar, nettar, hljóðlátar og öflugar fartölvur sem henta nemendum og bakpokum einstaklega vel. MacBook Air M1 er í klassísku útliti. M1 flagan er hröð og sparneytin og tryggir allt að 18 klukkutíma rafhlöðuendingu.
MacBook Air M2 fartölvan er í glænýrri skel með mjúkum hornum sem má finna víða í nýrri hönnunarlínu Apple. Hún er með Magsafe hleðslutengi, er fáránlega þunn og kemur nú loksins í næstum-því-svörtum „Midnight“ lit. Hún kemur einnig í silfur-, geimgráum- og gulllit. M2-flagan hefur aukna breidd og er 40% hraðari en M1 flagan. Hún er líka með ProRes-stuðning sem stóreykur vinnslu myndbanda.
Hvað er tölva?
Í raun má segja að þetta sé frekar heimspekileg spurning, allavega þegar kemur að Apple vörunum. iPad spjaldtölvurnar eru orðnar það fullkomnar að flestar þeirra má nota eins og spjaldtölvur og sem fartölvur. iPad spjaldtölvurnar koma nú í mörgum stærðum og gerðum. Og í dag má segja að iPad hafi gert mörkin á milli spjaldtölvu og fartölvu nokkuð óljós. Hægt er að fá bæði lyklaborð og mús fyrir iPad, iPad Air og iPad Pro sem gerir það auðvelt að nota þessar spjaldtölvur sem eins konar handhægar fartölvur.
Venjulegi iPad kemur nú í tveimur útgáfum: iPad og iPad 10.9. Sá síðarnefndi er í nýju útliti sem færir vefmyndavélina á aðra lengri hliðina, bætir við nýjum spennandi litum, styður nýtt lyklaborð með mús og flýtitakkaröð efst. Allar iPad tölvur styðja Apple penna en virkni hans er töfrum líkust.
iPad með öflugum flögum frá Apple
iPad Air og iPad Pro tölvurnar koma nú með M1 og M2 flögum sem afmá mörk spjald- og fartölva enn frekar. iPad Air er hagstæðasta tölvan með Apple Silicon flögu, styður lyklaborð með mús og kemur í fimm litum.
iPad Pro spjaldtölvurnar eru þær hröðustu frá Apple með M2 flögum og kemur í tveimur stærðum: 11 tommum og 12,9 tommum. Stærri iPad Pro er með litríkan og glæsilegan mini-LED skjá sem sýnir alveg svarta svarta liti og HDR myndefni.
Breitt vistkerfi – Betri samskipti
Það er oft sagt að góð samskipti séu lykillinn að vel heppnuðum ástarsamböndum og er Apple vistkerfið klárlega ein af ástæðunum fyrir því að Apple er sívinsælt. Apple vistkerfið er breið lína tækja sem öll tala saman og styrkja hvert annað.
Tvö vinsælustu tækin fyrir utan iPhone eru klárlega Airpods og Apple Watch. Airpods eru alveg þráðlaus heyrnatól sem tengjast sjálf þegar þau fara inn í eyru, pása sjálf þegar þau fara úr eyrum. Einnig færa þau sig sjálf á milli Apple tækja þegar kveikt er á hljóði. Airpods Pro og Airpods Max eru með virka hljóðeinangrun til að útiloka óþarfa hávaða þannig þú fáir frið við nám eða störf.
Apple Watch – Svo miklu meira en klukka
Armbandsúrin í dag gera svo margt annað en að mæla tímann enda hefur tækninni fleygt hratt fram og tæknin býður upp á að litlir hlutir geti haft stóra virkni. Apple Watch snjallúrin eru pínulitlar tölvur sem passa á úlnliðinn og gera svo miklu meira en bara að segja þér hvað tímanum líður.
Apple Watch SE er hagstætt snjallúr sem býður upp á púlsmæli, íþróttaþjálfun, líkamsræktarkeppni, árekstrarskynjun, fallskynjun, vatnsvörn, talstöð og alls konar annað með snjallforritum. Apple Watch Series 8 er með allt þetta ásamt súrefnismettunarmæli, einfalt hjartalínurit og hitamæli. Bæði úrin geta fengið farsímasamband og streymt tónlist á ferðinni.
