Hjónaband Mauro og Wöndu Icardi hefur mikið verið í umræðunni í gegnum tíðina. Hvernig samband þeirra hófst var hins vegar lygilegt. The Upshot fjallar gjarnan um málefni knattspyrnumanna utan vallar og fór yfir þetta.

Mauro er í dag á mála hjá Galatasaray en hefur spilað fyrir lið á borð við Inter og Paris Saint-Germain.

Ævintýrið hófst þegar Mauro lék með hetju sinni, Maxi Lopez, hjá Sampdoria. Lopez tók Mauro undir sinn verndarvæng og urðu þeir miklir vinir. Mauro fór meira að segja með Lopez og eiginkonu hans, Wöndu, í frí.

Það súrnaði þó fljótt í vináttunni þegar það kom í ljós að Mauro hafði verið að sofa hjá Wöndu. Þau byrjuðu svo saman. Wanda skildi við Lopez og giftist Mauro fimm mánuðum síðar.

Samband Mauro og Lopez var eðilega alls ekki gott og ekki bætti úr skák þegar sá fyrrnefndi lét húðflúra nöfn barna Wöndu og Lopez á sig.

Til að nudda salti í sárin kom frétt skömmu síðar þar sem sagði að Wanda og Mauru stunduðu kynlíf tólf sinnum á dag.

Mauro var þó enginn engill í sambandinu með Wöndu.

Hann réð hana sem umboðsmann. Þegar hann var 28 ára gamall fékk hann stór félagaskipti frá Inter til PSG. Í París fór Mauro hins vegar að halda framhjá með fyrirsætunni China Suarez.

Wanda réði njósnara og komst að þessu. Hún brjálaðist, fór á Instagram og birti færslu þar sem stóð: „Önnur fjölskylda sem þú skemmir fyrir druslu.“

Lopez sá sér gott til glóðarinnar, fór á Instagram og skrifaði: „Trúið þið á karma?“

Mauro og Wanda eru fráskilin í dag en hafa oft hætt saman og tekið saman á ný í gegnum tíðina.