Kylian Mbappe var spurður út í framtíð sína eftir að Paris Saint-Germain féll úr leik í 16-liða úrslitum Meistaradeildar Evrópu enn eitt árið.
Franska liðið tapaði 2-0 gegn Bayern Munchen í gær og einvíginu samanlagt 3-0.
Mbappe hefur lengi verið orðaður frá PSG og þá einna helst við Real Madrid.
„Ég er rólegur. Það eina sem skiptir mig máli núna er að vinna frönsku deildina með PSG. Svo sjáum við til,“ segir hann.
„Eins og er vil ég bara tala um þetta tímabil. Ekkert annað skiptir máli. Við erum virkilega vonsviknir.“
Jamie Carragher sagði á CBS Sports í gær að Mbappe þyrfti að fara annað.
„Ég er mjög ánægður með að PSG sé dottið út. Mér líkar ekki við hvernig þetta er byggt upp. Þetta er ekki lið.
Í fimm ár af síðustu sjö hafa þeir dottið út í 16-liða úrslitum. Þeir eyða meiri pening en nokkur annar og eru með bestu leikmenn í heimi.
Þetta er sýnir hversu mikilvægt er að vera lið. Við elskum einstaklinga innan liðs en þetta er ekki lið.“
