Úkraínskir hermenn og stjórnmálamenn, þar á meðal Volodymyr Zelenskyy forseti hylltu hann að honum látnum og sögðu hann sanna hetju.
„Hann varði sjálfstæði okkar og reisn þjóðarinnar frá 2014. Ein yngsta hetja Úkraínu. Ein af þeim sem persónuleg saga, karakter og hugrekki varð að sögu, karakter og hugrekki Úkraínu,“ sagði Zelenskyy í myndbandi sem hann birti á Telegram og Twitter.
Kotsiubailo var sæmdur heiðursmerkinu „Hetja Úkraínu“ fyrir tveimur árum og varð þar með yngsti maðurinn nokkru sinni til að vera sæmdur þessu heiðursmerki. Hann fékk það fyrir það sem hann gerði til að vernda úkraínskt landsvæði og fullveldi 2014 þegar Rússar hertóku Krím.
