Nokkur Íslendingalið voru í eldlínunni á þessu mánudagskvöldi.

Albert Guðmundsson var í byrjunarliði Genoa gegn Cosenza í ítölsku B-deildinni og fór á kostum.

Kappinn lagði upp fyrsta mark leiksins fyrir Radu Dragusin á 33. mínútu. Það reyndist eina mark fyrri hálfleiks.

Albert kom Genoa svo í 2-0 með marki á 57. mínútu. George Puscas og Filip Jagiello áttu svo eftir að bæta við mörkum fyrir Genoa sem vann 4-0.

Genoa er komið upp í annað sæti deildarinnar með 50 stig, stigi á eftir Frosinone. Tvö efstu liðin fara beint upp í efstu deild.

Hörður Björgvin Magnússon lék þá allan leikinn með Panathinaikos sem vann sigur á Panetolikos í grísku úrvalsdeildinni.

Daniel Mancini og Sebastian Palacios sáu til þess að heimamenn unnu 2-0 sigur.

Panathinaikos er á toppi deildarinnar með 58 stig, tveimur stigum á undan AEK sem þó á leik til góða.

Jonas Lössl heldur áfram sætinu í marki Midtjylland og þarf Elías Rafn Ólafsson að sætta sig við bekkjarsetu á meðan.

Liðið gerði markalaust jafntefli við AaB í dönsku úrvalsdeildinni í kvöld.

Midtjylland er í sjöunda sæti deildarinnar með 27 stig, stigi frá eftir hlutanum.