Klámframleiðandinn My.Club hafa gert Alishu Lehmann, leikmanni Aston Villa tilboð sem hljóðar upp á því sem nemur rúmum 14 milljónum íslenskra króna til þess að taka þátt í klám myndböndum á sínum vegum.

Þessi 24 ára gamli framherji hefur notið mikilla vinsælda utan vallar, sér í lagi á samfélagsmiðlum þar sem hún á yfir 12 milljónir fylgjenda á Instagram og yfir 6 milljónir fylgjenda á TikTok.

Þrátt fyrir þessar vinsældir segist hún aðeins vera að einbeita sér að fullu á knattspyrnuferil sinn.

,,Í fullri hreinskilni sagt þá hugsa ég ekki um þetta,“ sagði Lehmann í samtali við talkSPORT um vinsældir sínar á samfélagsmiðlum.

,,Þetta er ekki eitthvað sem ég hugsa um þegar að ég vakna á morgnanna, hvað ég sé með marga fylgjendur. Þetta er bara gaman, flott að finna stuðninginn og þá er þetta alveg stórt tækifæri.“

Hún vill sýna heiminum að konur geti afrekað hluti í knattspyrnuheiminum og þar geti mismunandi perónuleiki kvenna haft mikið að segja.

Þá hefur verið greint frá því að tilboð hefði borist frá klámframleiðandanum My.Club sem vildi fá Lehmann til liðs við sig. Tilboðið hljóðaði upp á 83 þúsund pund, rúmlega 14 milljónir króna.