Kristín Sif Björgvinsdóttir, útvarpskona á K100 og Stefán Jakobsson tónlistarmaður eru búin að velja dagsetningu fyrir brúðkaup sitt.
Stóri dagurinn er laugardagurinn 23. september og verður brúðkaupið haldið í Mývatnssveit þar sem Stefán býr.
„Í haust ætla ég að giftast besta vini mínum og ást lífs míns, erum byrjuð að plana !! Djöfull hlakka ég mikið til,“ skrifar Kristín Sif á Instagram og birtir með myndband af brotum úr daglegu lífi þeirra Stefáns.
View this post on Instagram
Parið trúlofaði sig í byrjun desember á síðasta ári eftir nokkurra mánaða samband, en þau hafa þekkst og verið góðir vinir lengi. Bæði eiga börn frá fyrri samböndum.
Kristín Sif starfar hjá K100 þar sem hún stýrir morgunþættinum Ísland vaknar ásamt Ásgeiri Páli Ágústssyni og Jóni Axel Ólafssyni. Hún er einnig íþróttakona í hnefaleikum og hefur náð góðum árangri. Stefán er söngvari hljómsveitarinnar DIMMU og starfar sem tónlistarkennari og leiðsögumaður.
