Strákarnir í Chess after Dark heimsóttu Jóhann Berg Guðmundsson landsliðsmann Íslands í knattspyrnu um helgina og tóku við hann viðtalið.

Þátturinn er ansi áhugaverður en þar fer Jóhann yfir feril sinn en hann er á leið aftur upp í ensku úrvalsdeildina með Burnley.

Jóhann gifti sig í sumar en hann og Hólmfríður Björnsdóttir gengu í það heilaga á Spáni þar sem óvænt atriði í lok veislunnar var rætt.

Strákarnir í þættinum spurðu Jóhann Berg út í það hvort að fyrrum samherji hans, Rúrik Gíslason, hafi tekið lagið Older óumbeðinn í brúðkaupinu.

„Já það er nákvæmlega þannig, ég man að Kári kom til mín og sagði við mig „Ef Rúrik tekur Older á eftir þá fer ég“,“ sagði Jóhann og hafði gaman.

Rúrik er hættur í fótbolta en gaf út lagið Older sem fékk góðar undirtektir. „Þetta endaði klukkað fjögur um nóttina og þá tók Rúrik Older, það höfðu einhver peppað hann og hann hataði það ekki,“ sagði Jóhann og fór fögrum orðum um fluttning Rúriks á laginu.

Fleira skemmtilegt er rætt í þættinum og má heyra hér að neðan.