Guðlaugur Þór Þórðarson, umhverfis- orku og loftslagsráðherra, var gestur Íþróttavikunnar með Benna Bó ásamt Herði Snævari Jónssyni, íþróttastjóra Torgs og þar var farið yfir víðan völl í íþróttaheiminum.
Alfreð Finnbogason var á skotskónum með danska úrvalsdeildarfélaginu Lyngby. Alfreð hefur þá skorað í átta mismunandi löndum hvað deildarkeppni varðar og er því jafn Eiði Smára Guðjohnsen og Viðari Erni Kjartanssyni í þeirri tölfræði.
„Gleðilegt að fá Alfreð til baka eftir meiðsla tímabil. Hann hefur verið frá í nokkra mánuði en mætir nú og skorar. Bara vonandi að hann geti gert eitthvað kraftaverk þarna hjá Lyngby. Þeir eru auðvitað neðstir í deildinni og þurfa að fá hann í gang. Vonandi dettur hann í gírinn, til að mynda með komandi landsliðsverkefni til hliðsjónar, við þurfum heldur betur á hans mörkum að halda.“
Guðlaugur er ánægður með Alfreð.
„Hann er frábær leikmaður sem hefur aldrei gleymt rótum sínum. Hann hefur alltaf sinnt ungviðinu og Grafarvogi, mér finnst það aðdáunarvert.“
Nánari umræðu um Alfreð Finnbogason má sjá hér fyrir neðan:
