Ungstirnið Alejandro Garnacho, sem hefur skotist upp á sjónar­sviðið með aðal­liði Manchester United á tíma­bilinu gerði allt hvað hann gat til þess að hylja nýju breytinguna á sér fyrir liðs­fé­lögum sínum á æfingu Manchester United í að­draganda stór­leiksins gegn Barcelona í Evrópu­deildinni.

Lið­sandinn hjá Manchester United er virki­lega góður eftir gott gengi liðsins undan­farið.

Hins vegar treysti hinn ungi Garnacho sér ekki til þess að af­hjúpa nýjustu breytinguna, sem hann hafði gert á hári sínu, fyrir liðs­fé­lögum sínum æfingu Manchester United sem á leik gegn Barcelona á morgun.

Garnacho mætti með húfu á æfinga­svæði Man­hcester United, Carrington, og skartaði einnig húfu á æfingunni sjálfri.

Brasilíski sóknar­maðurinn Antony, liðs­fé­lagi Garnacho hjá Manchester United ætlaði hins vegar ekki að láta leik­manninn unga komast upp með þetta at­hæfi og greip tæki­færið á réttri stundu og reif húfuna af höfði Garnacho

Í ljós komu ný­litaðir ljósir lokkar Garnacho og hlógu leik­menn Manchester United saman af þessari at­burða­rás sem upp spannst á æfingu liðsins.

Antony snatches Garnacho’s hat in training and exposes his new haircut 👀😂🔴 #MUFC_FAMILY #MUFCpic.twitter.com/QIuflgaXwP

— Matthew Morgan (@__MattMorgan) February 22, 2023