Joan Laporta, forseti Barcelona, hefur staðfest það að Sergio Busquets sé nú að horfa til Bandaríkjanna.
Busquets hefur allan sinn feril leikið með Barcelona en verður samningslaus í sumar og er þá frjáls sinna ferða.
Inter Miami er á meðal liða sem hafa horft til Busquets sem hefur lengi verið einn mikilvægasti leikmaður Börsunga.
Miðað við orð Laporta er Busquets nú að kveðja en hann vill reyna fyrir sér í Bandaríkjunum áður en ferlinum lýkur.
,,Við ræddum málin fyrir jólin, hann var með tilboð frá MLS deildinni og faldi það aldrei,“ sagði Laporta.
,,Hann væri mjög til í að upplifa ameríska drauminn.“
