Þetta kemur fram í nýrri rannsókn sem hefur verið birt í vísindaritinu BMJ Case Reports. Í henni kemur fram að maðurinn hafði aldrei nokkru sinni komið til Írlands og hann var ekki af írskum ættum.
Þegar hann greindist með krabbameinið var ekki að sjá að það hefði dreift sér um líkamann. En þegar hann var sendur í MR-skanna síðar kom í ljós að hann var með æxli í heilanum. ScienceAlert skýrir frá þessu.
Vísindamenn segja að maðurinn hafi fengið heilkenni sem nefnist „útlendur hreimur heilkennið“ en það er mjög sjaldgæft, sérstaklega í tengslum við krabbamein. Aðeins er vitað um tvö önnur tilfelli þar sem krabbamein hefur leyst heilkennið úr læðingi.
Vísindamennirnir telja að það hafi ekki endilega verið heilaæxlið sem leysti heilkennið úr læðingi. Þá grunar að krabbameinið hafi valdið sjaldgæfu ónæmisviðbragði sem hafi haft áhrif á heilann. Þeir telja sem sagt að krabbameinið hafi verið byrjað að hafa áhrif á heilann til að fá hann til að skipta um hreim áður en æxlið myndaðist í honum.
Maðurinn fór í geislameðferð og lyfjameðferð en því miður dugði það ekki til og breiddist krabbameinið meira út og lamaði líkama hans og að lokum varð það honum að bana. Hann talaði með sterkum írskum hreim allt til dauðadags.
