Nick Davis á þrjár konur, April, Danielle og Jennifer, sem hann stundar kynlíf með á mismunandi stöðum á heimilinu. Hann situr líka heima „eins og kóngur“ á meðan þær vinna en allar vinna þær fulla vinnu.

Nick kynntist April þegar þau stunduðu háskólanám fyrir 15 árum. 9 árum síðar voru þau gift og þá bætti hann Jennifer við kvennabúr sitt.

April, sem er 38 ára, segist vera mjög ánægð með að hafa aukakonu til að sinna „þörfum“ Nick.

Þetta sagði hún í þættinum „Seeking Sister Wife“ á TLC og bætti við: „Það er erfitt að sinna Nick, á margan hátt.“

„Það er mikið starf að sinna Nick í rúminu. Það er almennt mikið starf að sinna Nick og persónuleika hans. Það er gott að geta fengið hjálparhönd,“ sagði April.

Það var hún sem kynnti Nick, sem er 39 ára, fyrir Jennifer þegar hún var 19 ára en hún er nú 25 ára. Daily Star skýrir frá þessu.

Nick sagði í þættinum að honum finnst gott að liggja á milli kvennanna sinni í rúminu en að kynlífið eigi sér alltaf stað á mismunandi stað með hverri konu.

Nick, April og Jennifer komu fram í „Seeking Sister Wife“ á síðasta ári þar sem þau buðu Danielle, 22 ára, velkomna í þetta sérstaka fjölskyldumynstur.

Þegar Nick skuldbast Danielle sagðist hann „vera að upplifa draum sinn“: „Að eiga þrjár konur, vitandi að við höfum öll staðfest samband okkar og tengst eins og við höfum gert, það er ótrúlegt. Mér finnst eins og ég sé að upplifa draum minn.“