Selena, 30 ára, hefur verið undir smásjá leiðinlegra netverja vegna útlits hennar eftir að hún mætti á Golden Globes-hátíðina. Hún varð fyrir miklu aðkasti og virtust netverjar hafa haft nóg um útlit hennar að segja og gagnrýndu hana fyrir að vera búin að þyngjast.
Söngkonan ræddi um það í beinni á TikTok í gær.
Hún glímir við sjúkdóm í stoðvef sem kallast rauðir úlfar eða lupus. Hún gekkst undir nýrnaskipti árið 2017 og er í lyfjameðferð vegna sjúkdómsins.
„Þegar ég tek lyfin þá á ég það til að halda mikilli vatnsþyngd og þegar ég hætti að taka lyfin þá léttist ég,“ sagði hún.
„Ég vil bara stappa stálinu í alla þá sem skammast sín fyrir eitthvað sem þeir eru að ganga í gegnum en enginn veit hvað býr þar að baki í raun og veru […] Ég vil að þið vitið að þið eruð falleg og dásamleg. Já, það koma dagar þar sem okkur líður ömurlega, en ég vil frekar vera heilbrigð og hugsa vel um mig sjálfa. Lyfin mín eru mikilvæg, þau hjálpa mér.“
Selena bætti við að hún sé ekki fyrirsæta og mun aldrei verða ein.
„Ég elska ykkur og takk fyrir að styðja mig og skilja,“ sagði hún við fylgjendur sína. Hún beindi síðan orðum sínum til netníðinga: „Og ef ekki, hypjið ykkur, því það er ekki í lagi að smána einhvern vegna líkama þeirra.“
Selena Gomez goes live on TikTok to address comments about her body. She talks about her health, medication for lupus and how they affect her body. pic.twitter.com/JL3hIArShB
— Selena Gomez News 🎬 (@OfficialSGnews) February 16, 2023
Selena var greind með rauða úlfa, sem er krónískur sjálfsofnæmissjúkdómur, árið 2014. Hún opnaði sig um baráttuna við hann í heimildarmyndinni „My Mind & Me“ sem kom út í fyrra.
„Núna er þetta vont. Þegar ég vakna á morgnanna þá byrja ég á því að gráta því mér er svo illt, mér er illt alls staðar,“ sagði hún í myndinni.
