Lögreglan í Malmö í Svíþjóð rannsakar nú nauðgun á barni. Hún átti sér stað utanhúss í Rosengård-hverfinu sem er gettó. Nils Norling, talsmaður lögreglunnar sagði í samtali við TT að nauðgunin hafi líklega átt sér stað á milli klukkan 17 og 18 á sunnudaginn.

Fórnarlambið er 15 ára stúlka að sögn Aftonbladet sem segir að vettvangurinn hafi verið girtur af aðfaranótt mánudags og hafi lögreglan verið við störf þar alla nóttina.

Norling vildi ekki segja hvort um einn eða fleiri gerendur væri að ræða. Hann sagði að lögreglan verði að fara mjög varlega í að veita upplýsingar á þessu stigi málsins.