Fyrrum stjarnan Brian McClair er óþekkjanleg í dag en hann gerði garðinn frægan sem leikmaður Manchester United.

McClair er goðsögn Man Utd en hann spilaði með liðinu frá 1987 til 1998 og spilaði yfir 350 deildarleiki og skoraði 88 mörk.

McClair lagði skóna á hilluna eftir dvöl hjá Motherwell árið 1998 en hann er skoskur og var hluti af landsliðinu.

McClair hefur haft hægt um sig undanfarin ár og vegna þess lendir hann oft í ansi vandræðalegum og skemmtilegum umræðum um sjálfan sig.

,,Það gerist mun oftar en ég hefði ímyndað mér, sérstaklega því ég er að vaxa þetta gráa sem kemur úr andlitinu á mér,“ sagði McClair um að vera óþekkjanlegur á meðal fólks.

,,Það er stundum gaman að hlusta. Stundum hef ég verið hluti af samræðum þegar nafnið mitt kemur upp og þeir hafa ekki hugmynd um að ég sé umræðuefnið sem er mjög skrítið.“

,,Ef þeir spyrja mig hvort ég sé Brian McClair þá svara ég að ég hafi verið það á sínum tíma sem ruglar í mörgum. Hvernig varstu hann? Hver ertu í dag og hvað ertu í dag?“