Bandaríska leikkonan Ellen Pompeo opnaði dyrnar á heimili sínu á Malibu Beach í Bandaríkjunum fyrir Architectural Digest. Pompeo er þekktust fyrir hlutverk sitt sem Meredith Grey í læknadramanu Grey’s Anatomy. 19. sería þáttaraðarinnar er nú í sýningu á ABC og hefur Pompeo leikið í þeim öllum.

Pompeo fékk vin sinn, innanhússarkitektinn Martyn Lawrence Bullard, til að aðstoða sig. Hann fann upprunalegan leðursófa frá sjöunda áratugnum og segir Pompeo að þau hafi skipulagt heimilið út frá sófanum. Marmari er á veggjum sem Pompeo segir listaverk í sjálfu sér, stólar frá sjöunda áratugnum við borðstofuborðið og segir Pompeo barborð í sérstöku uppáhaldi. 

Hjónarúmið er smíðað að eiginmanni Pompeo og nógu stórt til að öll fjölskyldan geti legið þar saman og horft á sjónvarpið eða arineldinn. 

Bakgarðurinn er með stórkostlegt útsýni út á ströndina og sjóinn. Sundlaug og gestahús er einnig hluti af eigninni. Gott væri að vera gestur Pompeo núna í janúarkuldanum.