Jorge Sampaoli, stjóri Sevilla á Spáni, hefur staðfest það að hann sé á eftir leikmanni Tottenham, Bryan Gil.

Gil er 21 árs gamall en hefur aðeins spilað 13 deildarleiki fyrir enska félagið síðan hann kom árið 2021.

Gil þekkir vel til Sevilla en hann lék með liðinu frá 2012 til 2021 en þó aðallega með varaliðinu.

Sampaoli felur ekki áhuga sinn á þessum skemmtilega sóknarmanni sem á að baki fjóra landsleiki fyrir Spán.

,,Bryan Gil er klárlega á mínum lista því ég hringdi í hann á síðasta ári í Marseille,“ sagði Sampaoli.

,,Þetta er leikmaður sem gæti gefið okkur möguleika á vængnum. Ég vildi fá hann þegar ég var hjá Marseille.“