Gareth Sout­hgate, lands­liðs­þjálfari enska lands­liðsins í knatt­spyrnu segist hafa í­hugað það al­var­lega að segja starfi sínu sem lands­liðs­þjálfari lausu eftir HM í Katar undir lok síðasta árs.

Á endanum á­kvað hann þó að halda á­fram tryggð við liðið en Sout­hgate veitti BBC ítar­legt við­tal á dögunum, það fyrsta eftir á­kvörðunina stóru.

Enska lands­liðið féll úr leik á HM í Katar eftir tap gegn Frakk­landi í átta liða úr­slitum mótsins en hafði árið áður komist í úr­slit EM á heima­velli.

,,Ég vildi aldrei finna mig í þannig stöðu að nær­vera mín sé að hafa nei­kvæð á­hrif á liðið,“ segir Sout­hgate í sam­tali við BBC.

,,Ég trúði því að það væri ekki raunin hjá mér og enska lands­liðinu en vildi samt sem áður bara taka mér tíma eftir HM til þess að leggja mat á mína stöðu, vera alveg viss um það hvernig mér liði.

Sout­hgate segist hafa spurt sig að því hvort það væri hið rétta í stöðunni að halda á­fram sem lands­liðs­þjálfari.

,,Því ég vildi vera viss um að hungrið og fersk­leikinn væri enn til staðar.“

Hann segir stöðu sína sem lands­liðs­þjálfari enska lands­liðsins vera sinn mesta heiður á lífs­leiðinni. Á­kvörðunin um að halda veg­ferðinni með lands­liðinu á­fram hafi á endanum ekki verið erfið.

,,Liðið er enn að taka fram­förum. Við erum allir sí­fellt að öðlast meiri trú á því sem við erum að gera.“

Viðtal BBC við Southgate má lesa í heild sinni hér.