Hin 26 ára gamla Lena Stewart, kennari við Nixa High School í Missouri ríki í Bandaríkjunum, hefur verið ákærð fyrir að nauðga 16 ára gamlan nemanda í skólanum en hún er sögð hafa gert í skiptum fyrir að gefa honum betri einkunnir. Þá var hún einnig ákærð fyrir að eiga í kynferðislegum samskiptum við nemanda og önnur kynferðisbrot.
Ákærurnar varða atvik er áttu sér stað í október á síðasta ári. Nemandinn sem um ræðir var 16 ára gamall á þeim tíma en samræðisaldurinn í Missouri er 17 ára.
Samkvæmt fréttamiðlinum KY3 heldur nemandinn því fram að Lena hafi ekki verið jafn ströng við sig og hún var við aðra nemendur. Hann hafi ekki þurft að vinna jafn hart að sér til að fá A og því hafði hann áhyggjur af því að einkunnirnar hans yrðu lægri ef hann myndi ekki gangast við kynferðislegum beiðnum hennar.
Í skýrslu lögreglu kemur fram að Lena hafi farið að hitta nemandann þegar hann var heima hjá vini sínum. Hún hafi komið á bíl og nemandinn farið í bílinn til hennar. Nemandinn segir að þau hafi „kysst hvort annað og klætt sig úr fötunum.“
Eftir það hafi þeim liðið óþægilega og nemandinn sagðist þurfa að fara heim.
Þau hittust svo aftur síðar. Nemandinn segir að í það skipti hafi þau „kysst hvort annað, klætt sig úr fötunum, stundað munnmök og samfarir.“
Lena var sett í leyfi í desember síðastliðnum en í yfirlýsingu frá skólanum segir að ásakanirnar gegn henni séu teknar alvarlega. Þá segir í yfirlýsingunni að skólinn muni vera samvinnufús og vinna með yfirvöldum er þau rannsaka málið.
