Sænska knattpyrnugoðsögnin Zlatan Ibrahimovic er allt annað en sáttur með hegðun leikmanna argentínska landsliðsins, fyrir utan Lionel Messi, eftir að liðið tryggði sér heimsmeistaratitilinn með sigri á Frökkum í Katar undir lok síðasta árs. Hann spáir því að Argentínumenn muni ekki vinna neitt framar með núverandi leikmannahóp sinn.
Fagnaðarlæti argentínska landsliðsins í kjölfar sigursins á HM í Katar varð til þess að Alþjóða knattspyrnusambandið (FIFA ) hóf rannsókn á hegðun liðsins eftir sigurinn. Markvörðurinn Emiliano Martinez var staðinn að því að hæðast svívirðilega að Frökkum, sér í lagi Mbappé og þá þóttu fagnaðarlæti hans, eftir að hann fékk Gullhanskann sem besti markvörður HM, hneykslun.
„Messi er talinn vera besti leikmaður sögunnar, ég var handviss um að hann myndi vinna heimsmeistaratitil. Það sem mun gerast í kjölfarið er að Kylian Mbappé (stórstjarna Frakka) mun vinna heimsmeistaratitil, ég hef engar áhyggjur af honum,“ sagði Ibrahimovic í samtali við France Inter. „Ég hef áhyggjur af hinum í argentínska landsliðinu vegna þess að þeir munu ekki vinna neitt framar. Messi hefur unnið allt, fólk mun minnast hans, en allir hinir sem hegðuðu sér illa, við getum ekki liðið þá.“
Þessi dómur hans komi frá ferli hans sem atvinnumaður í knattspyrnu á hæsta gæðastigi.
„Þetta er merki þess að þú munt aðeins vinna einu sinni, aldrei oftar. Maður fagnar ekki sigri svona.“
