Íslenska sprotafyrirtækið Overtune og flugfélagið Play Air hófu samstarf á dögunum þar sem notendur forritsins geta unnið gjafabréf frá Play Air með því að taka þátt í tónlistarleik.

Overtune veitir öllum aðgang að tónsköpun óháð tónlistar- og tækniþekkingu. Appið inniheldur stórt safn af hljóðum eða Beat Packs sem að notendur geta raðað saman til að skapa sitt eigið lag. Notendur geta síðan bætt við eigin söng með allskyns effektum. Þegar tónlistarsköpuninni er lokið geta notendur bætt við myndbandi og deilt sköpun sinni með heiminum.

Leikreglur gjafaleiks Play Air eru einfaldar. Notendur Overtune keppast um að búa til tónlistarmyndband undir merkjum Play Air sem gerir þetta að fullkomnu tækifæri fyrir áhugafólk um tónlist sem vill sýna hæfileika sína og kynna sér nýja tækni. Mest skapandi tónlistarmyndbandið hlýtur flugmiða frá Play að andvirði 70 þúsund króna.

Til mikils er að vinna. Play Air bætti nýverið Toronto inn á leiðakerfi sitt, áfangastaðir Play árið 2022 voru 25 talsins en verða hátt í 40 árið 2023, bæði í Evrópu og Norður-Ameríku.

Samstarfið sýnir skemmtilega leið fyrir vörumerki til að nálgast viðskiptavini sína með nýjum hætti og ánægjuleg lending fyrir alla þá sem hafa ástríðu fyrir tónlist en hafa kannski áður fundið fyrir skort á aðgengi- eða tónlistarþekkingu.

Dæmi um hluthafa Overtune má nefna Charles Huang, stofnanda vinsæla tölvuleiksins Guitar Hero, Gabriel Jagger, sonur Mick Jagger, söngvara Rolling Stones og Nick Gatfield fyrrum forstjóra Sony Music í Bretlandi.

Hægt er að sækja Overtune og taka þátt hér: https://apps.apple.com/app/id1594623802